გაიზრდება თუ არა აშშ დოლარის განაკვეთი საქართველოში – საერთაშორისო ბაზრებზე მატებაა მოსალოდნელი

„ადგილობრივი და უცხოური ვალუტის დეპოზიტების საპროცენტო განაკვეთებს შორის განსხვავება აგვისტოში კიდევ გაიზარდა და მორიგი, რეკორდულად მაღალი, 9.5 პროცენტული პუნქტი შეადგინა“, – ამის შესახებ „თიბისი კაპიტალის“ მიერ გამოქვეყნებულ ანგარიშშია აღნიშნული.

„მაშინ როდესაც საერთაშორისო ბაზრებზე მომდევნო წელს აშშ დოლარის განაკვეთის მატებაა მოსალოდნელი, ჩვენი აზრით აშშ დოლარის ადგილობრივი განაკვეთები არსებულ დაბალ დონეზე შენარჩუნდება. უფრო მეტიც, შემდგომი კლებაც კი არაა გამორიცხული. ამის მიზეზებია: საბანკო სექტორში უცხოური ვალუტის კვლავ ჭარბი ლიკვიდობა, გრძელვადიან პერიოდში ვალუტაში განაკვეთების სტრუქტურული კლება, რასაც ძალზეც სუსტი კავშირი ჰქონდა საერთაშორისო ბაზრებზე არსებულ დინამიკასთან და ასევე, ლარიზაციის მოსალოდნელი ზრდა,“-  ნათქვამია „თიბისის“ მიერ გავრცელებულ ინფორმაციაში.