იანვარ-აპრილში ექსპორტი 19.6%-ით, ხოლო იმპორტი 10.1%-ით გაიზარდა

სტატისტიკის ეროვნული სამსახურის ინფორმაციით, იანვარ-აპრილში ექსპორტი 19.6%-ით, ხოლო იმპორტი 10.1%-ით გაიზარდა.

კერძოდ, საქსტატის მონაცემებით, 2021 წლის 1-ელ ოთხ თვეში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 3,929 მლრდ აშშ დოლარი შეადგინა, რაც წინა წლის შესაბამისი პერიოდის მაჩვენებელზე 12.8 პროცენტით მეტია. აქედან, ექსპორტი 1,199 მლრდ აშშ დოლარი (19.6 პროცენტით მეტი), ხოლო იმპორტი 2,730 მლრდ აშშ დოლარი (10.1 პროცენტით მეტი) იყო.

ამასთან, უარყოფითმა სავაჭრო ბალანსმა 2021 წლის იანვარ-აპრილში 1,531 მლრდ აშშ დოლარი და საგარეო სავაჭრო ბრუნვის 39 პროცენტი შეადგინა.