კომერციული ბანკების მოგება გაიზარდა

2021 წლის აპრილში კომერციული ბანკების წმინდა მოგებამ 173,071 მლნ ლარი შეადგინა. ეს კი 6,747 მლნ ლარით მეტია წინა თვესთან შედარებით. კერძოდ, მიმდინარე წლის მარტში, ბანკების მოგება 166,324 მლნ ლარი იყო. გასულ წლის ანალოგიურ პერიოდში კი ბანკების მოგება აპრილში 92,774 მლნ ლარით არის გაზრდილი. კერძოდ, 2020 წლის აპრილში  კომერციულ ბანკებს 80,297 მლნ ლარის მოგება ჰქონდათ.

ამასთან, სებ-ის ვებ-გვერდზე გამოქვეყნებული სტატისტიკის მიხედვით, 2021 წლის აპრილში ბანკებმა 475,018 მლნ ლარის შემოსავალი მიიღეს, ხარჯებმა კი 279,045 მლნ ლარი შეადგინა.

აღსანიშნავია, რომ კორონავირუსის პანდემიის გამო, 2020 წელი კომერციული ბანკებისთვის საკმაოდ რთული იყო. მათ შორის გასული წლის მარტში ბანკები 943,1 მილიონიან ზარალზე გავიდნენ. თუმცა,მას შემდეგ ზარალზე აღარ გასულან და საბოლოო ჯამში, 2020 წელი კომერციულმა ბანკებმა 99,262 მლნ ლარის წმინდა მოგებით დაასრულეს.

დღეის მდგომარეობით ბაზარზე 15 კომერციული ბანკი ოპერირებს.