ნოემბერში იპოთეკური სესხების მოცულობა გაიზარდა

თიბისი კაპიტალმა უძრავი ქონების ბაზრის განახლებული მიმოხილვა გამოაქვეყნა. დოკუმენტის მიხედვით, მიმდინარე წლის ნოემბერში იპოთეკური სესხების მოცულობა ზრდის ტენდეციებს ავლენს. სტატისტიკის მიხედვით, ნოემბერში იპოთეკური სესხების მოცულობა 2019 წლის ანალოგიურ პერიოდთან შედარებით 8%-ით გაიზარდა. აქვე უნდა აღინიშნოს, რომ ზრდა ფიქსირდება 2020 წლის ანალოგიორ პერიოდთან შედარებით, კერძოდ, სესხების მოცულობა დაახლოებით 45%-ით გაიზარდა.

რაც შეეხება თბილისში ბინების ტრანზაქციების რაოდენობას. როგორც დოკუმენტი გვიჩვენებს, 2019 წლის ანალოგიურ პერიოდთან შედარებით თბილისში ბინების გაყიდვები გაზრდილია 39%-ით. ამასთან ტრანზაქციები რაოდენობა მეტია 2020 წლის ანალოგიურ პერიოდთან შედარებითაც, უფრო კონკრეტულად, დაახლოებით 23%-ით.

აქვე იმასაც შეგახსენებთ, რომ უკანასკნელი თვეების განმავლობაში საქართველოში იპოთეკური სესხების მოცულობა ზრდის ტენდეციებს ავლენს.