ეროვნული ბანკის ვიცე-პრეზიდენტმა, პაპუნა ლეჟავამ “პალიტრანიუსის” ეთერში განაცხადა, რომ ციფრული ლარის საპილოტე ვერიის გამოშვება მომავალი წლიდან დაიწყება. მისივე თქმით, საპილოტე რეჟიმის დროს მოხდება შედეგების სრული ანალიზი, რაზე დაყრდნობითაც ეროვნული ბანკი ციფრული ვალუტის მასშტაბურად გამოშვების შესახებ გადაწყვეტილებას მიიღებს:
“საწყის ეტაპზე, ჩვენ ვაკეთებთ საპილოტე ვერსიას, რადგან სარგებელი, რომელზეც ციფრული ლარის შემთხვევაში ვსაუბრობთ, პოტენციურია. ჩვენ გვინდა, რომ რეალურად შევისწავლოთ ეს მოდელი პრაქტიკაშიც იმუშავებს თუ არა. სწორედ ამიტომ, ჩვენ მომავალი წლიდან ციფრული ლარის საპილოტე ვერსიას გამოვუშვებთ, რომლის შედეგებსაც დეტალურად შევისწავლით და გადავწყვეტთ ღირს თუ არა საბოლოოდ ამ ციფრული ვალუტის მასშტაბურად დანერგვა.”– აღინიშნა, პაპუნა ლეჟავამ.
შეგახსენებთ, რომ საქართველოს ეროვნულმა ბანკმა ციფრული ვალუტის(CBDC) შექმნაზე მუშაობა უკვე აქტიურად დაიწყო. CBDC ცენტრალური ბანკის ვალდებულებაა და მას გადახდის საშუალების სტატუსი ექნება. პროექტის ფარგლებში, ეროვნული ბანკი მზადყოფნას გამოთქვამს, ფინტექ კომპანიებთან და დაინტერესებულ ფინანსურ ინსტიტუტებთან ითანამშრომლოს.
USD
EUR
GBP
TRY
