1 წელში ლარი დოლართან და ევროსთან მიმართებით გამყარდა

პარლმანეტის საბიუჯეტო ოფისის მიერ გამოქვეყნებული დოკუმენტის მიხედვით, მიმდინარე წლის ნოემბერში წინა თვესთან შედარებით ლარი დოლართან და ევროსთან მიმართებით გამყარდა, უფრო კონკრეტულად, ერთი თვის განმავლობაში ეროვნული ვალუტა დოლართა 0.1%-ით ხოლო ევროსთან 1.7%-ით გამყარდა.

ამასთან, ლარის გამყარების ტენდეციებს წლიურ ჭრილშიც ავლენს კერძოდ, ერთ წელიწადში ლარი დოლართან 5.5%-ით, ხოლო ევროსთან 9.2%-ით გამყარდა.

უნდა აღინიშნოს ისიც, რომ ნოემბერში, რეგიონის ქვეყნების ვალუტების გაცვლითი კურსების უმეტესობა, აშშ დოლართან მიმართებაში გამყარების ტენდენციას ავლენს, თუმცა განსხვავებული მასშტაბით. მაგალითად,  ერთ წელში რუსული რუბლი დოლართან 5.9%-ით გამყარდა და ერთი დოლარის ღირებულება 73,2 რუბლს შეადგენს. ერთ წელში  4.2%-ით გამყარდა სომხური დრამი და ერთი აშშ დოლარის ღირებულება 496,1 დრამს შეადგენს.  აზერბიჯანული მანათის კურსი დოლართან, ფაქტობრივად, არ შეცვლილა, ხოლო თურქული ლირა რეკორდულად, 23.7%-ით გაუფასურდა. დღესდღეობით ერთი დოლარის ღირებულება კი 13,8 ლირას შეადგენს.

აქვე იმასაც შეგახსენებთ, რომ ეროვნული ბანკის ინფორმაციით უკანასკნელი ერთი კვირის  განმავლობაში ამერიკული დოლარი 3 ლარისა და 10 თეთრის ფარგლებში ივაჭრება.